Festa polo Galego

O próximo sábado imos de festa pola língua. A partir das 17:00 horas na Sala Bahía de Foz.

"Quês e porquês do reintegracionismo". Sexta-feira, 23 de Janeiro, às 20:00 h. no C.S. Xebra!

O 23 de Janeiro, sexta-feira, terá lugar em Burela o lançamento do "Quês e porquês do reintegracionismo", com a presença de Eduardo Sanches Maragoto, co-autor do livro. A cita será no C.S. Xebra! (Leandro Cucurny 19) às 20:00 horas.

Por que escrevedes tam ‘raro’? É necessário ir a Portugal para aprender galego? Quem foi o primeiro reintegracionista? Umha naçom, umha língua? Era Castelao reintegracionista? Sou eu reintegracionista? Por que os portugueses nos falam em castelhano? Quais som os países de língua oficial portuguesa e como escrevem?

Estas e muitas outras questões responde este livro, com um tom didático e descontraído. Pensado nom para especialistas em língua mas para a gente do comum, que queira conhecer de primeira mao os quês e os porquês do reintegracionismo.

Este movimento de que se pode afirmar, parafraseando Mark Twain, que “os rumores sobre a sua desapariçom fôrom grosseiramente exagerados”.

Autoria:

José Ramom Flores das Seixas [Coordenador]
Joseph Ghanime Lopes
Beatriz Peres Bieites
Valentim Fagim Rodrigues
Eduardo Sanches Maragoto

Obradoiro de pintura mural para crianzas o 24 e 25 de xaneiro

Obradoiro de pintura mural para crianzas os días 2 e 3 de xaneiro

Durante estes días e ata o próximo 30 de xaneiro poderá visitarse na Casa da Cultura de Burela a exposición origanizada polo Colectivo Buril sobre as pintura góticas da igrexa da Vila do Medio.

Paralelamente a esta exposición, terá lugar un obradoiro de pintura mural para crianzas de 7 anos en diante, coordinado por Rosana Míguez, licenciada en Belas Artes e titulada en Conservación e Restauración de Bens Culturais. Esta actividade procura dar a coñecer o patrimonio histórico-artístico de Burela entre os máis pequenos e pequenas, ao tempo que pór en práctica as técnicas tradicionais da pintura mural e o temple.

Este obradoiro desenvolverase no local social do Buril, na praza de abastos de Burela entre as 11:00 e as 13:00 horas do 2 e 3 de xaneiro de 2015, habendo a posibilidade de amplialo ate o día 4. A actividade terá un custo de 5 € para o público en xeral e será gratuíta para socios e socias do Buril. As persoas interesadas poden inscribirse nos telefones 666-737-595 ou no 616-995-013, ou se o prefiren a través do correo-e ccburil@gmail.com

Exposición sobre as pinturas góticas da Vila do Medio e obradoiro de pintura mural para crianzas.

O Colectivo Cultural Buril comezaba hai xa uns meses un traballo para a recuperación, conservación e posta en valor das pinturas murais do século XVI da igrexa da Vila do Medio. A idea era realizar distintas actividades co fin de chamar a atención sobre o delicado estado de conservación no que se atopan actualmente (algunha está case desaparecida a día de hoxe) e por outra banda facer un traballo de divulgación e sensibilización entre os veciños e veciñas de Burela.

Desde o primeiro momento contactouse con distintas persoas de Burela ou que teñen vínculos coa nosa vila e que desenvolen actividades artísticas (pintura, deseño, fotografía, vídeo...) para dar a coñecer o traballo do Buril en relación coas pinturas da Vila do Medio e  recoller  as súas impresións. Deses encontros saíron varias e interesantes propostas.

A primeira iniciativa que se levou a cabo foi solicitar ao Servizo de Patrimonio da Xunta a Declaración de Ben de Interese Cultural (BIC) para as pinturas murais da Vila do Medio, da que aínda non se tivo contestación. Neste sentido, tamén propuxemos a todos os grupos políticos con representación no Concello unha moción para instar á Xunta a que realizasen os trámites oportunos para a Declaración BIC e dar apoio do pleno da corporación municipal á solicitude presentada polo Buril. Lamentablemente esta moción non foi aprobada polo pleno municipal ao non contar cos votos favorables do grupo maioritario.

Exposición sobre as pinturas góticas da Vila do Medio na Casa da Cultura de Burela, do 19 de decembro ao 30 de xaneiro de 2015.

Case un ano despois desta iniciativa e coincidindo co seu 30 aniversario, o Buril realiza unha exposición didáctica sobre as pinturas góticas da Vila do Medio na Casa da Cultura de Burela, que permanecerá aberta ao público desde o 19 de decembro ao 30 de xaneiro de 2015, en horario de Biblioteca.

A exposición componse de 8 paneis explicativos que conteñen información e material gráfico sobre as pinturas. Os dous primeiros paneis son de carácter explicativo, o primeiro con información xeral sobre a igrexa da Vial do Medio e o segundo sobre as pinturas (data de construción, estilo, técnicas empregadas, contexto histórico-artístico…). Os catro paneis seguintes son relativos ás propias pinturas, estando dedicados a cada unha das catro pinturas murais conservadas e que narran distintas escenas na “Paixón de Cristo”: o prendemento, a flaxelación, a lamentación e a resurrección, esta última atópase practicamente desaparecida a día de hoxe. A exposición remata con dous paneis explicativos sobre o estado das pinturas e as medidas a levar a cabo para a súa conservación e posta en valor. Nestes dous paneis explícanse os procesos que interveñen na destrución das pinturas, as intervencións levadas a cabo durante os últimos anos e as medidas a adoptar para pór freo ao seu deterioro.

Obradoiro de pintura mural para crianzas no local social do Buril os días 2 e 3 de xaneiro.

Paralelamente a esta exposición, terá lugar un obradoiro de pintura mural para crianzas de 7 anos en diante, coordinado por Rosana Míguez, licenciada en Belas Artes e titulada en Conservación e Restauración de Bens Culturais. Esta actividade procura dar a coñecer o patrimonio histórico-artístico de Burela entre os máis pequenos e pequenas, ao tempo que pór en práctica as técnicas tradicionais da pintura mural e o temple.

Este obradoiro desenvolverase no local social do Buril, na praza de abastos de Burela entre as 11:00 e as 13:00 horas do 2 e 3 de xaneiro de 2015, habendo a posibilidade de amplialo ate o día 4. A actividade terá un custo de 5 € para o público en xeral e será gratuíta para socios e socias do Buril. As persoas interesadas poden inscribirse nos telefones 666-737-595 ou no 616-995-013, ou se o prefiren a través do correo-e ccburil@gmail.com

IV Maratón de Leitura.

IV Maratón de Leitura de Burela.

Mércores 23 de abril. Salón de plenos do Concello.

        O Maratón de Lectura de Burela, organizado polo Colectivo Cultural Buril chega este ano á súa cuarta edición. As socias e socios do Buril estamos moi satisfeit@s pola alta participación acadada nas pasadas edicións, así como polo interese mostrado por parte de todas as persoas e entidades participantes, motivos estes que nos animan a realizar unha nova edición do Maratón de Lectura, que este ano voltamos celebrar o 23 de abril, coincidindo co Día Internacional do Libro. A cita terá lugar en Burela, no salón de plenos do Concello, como vén sendo habitual.

No pasado ano, o Maratón de Lectura dedicouse a Rosalía de Castro, sumándonos deste xeito ás distintas actividades celebradas en numerosas vilas galegas con motivo do 150 aniversario da publicación de Cantares Galegos, obra fundacional da literatura galega contemporánea e símbolo do Rexurdimento da literatura e da cultura galegas.

Desta volta a temática do maratón será de escolla libre, sendo o único requisito que o texto ou fragmento do texto escollido sexa en galego. Como proposta para este IV Maratón, aproveitamos para lembrarvos que o homenaxeado nas Letras Galegas deste ano é o escritor Xosé María Díaz Castro, poeta e tradutor natural de Guitiriz, autor do poemario Nimbos.

Ao igual que o pasado ano, o maratón estará estruturado en dúas quendas, unha de mañá, de 10:00 a 14:00 e horas, destinada aos centros educativos e outra de tarde, de 16:00 a 20:30 horas, destinada a colectivos e entidades deportivas, así como a todas as persoas que queiran participar a título individual.

A xornada de mañá dará comezo ás 10:00 horas e prolongarase ate as 14:00 h. coas lecturas do alumnos e alumnas dos centros educativos de primaria e secundaria de Burela, CEIP Os Castros, CEIP Vista Alegre, IES Monte Castelo e IES Perdouro. Pola tarde, desde as 16:00 horas participarán distintos colectivos e entidades de Burela, estando xa confirmada a presenza do asociacón Camiña, Fundación Eu Son, CD Burela FS, Clube Baloncesto, SCR Ledicia, Amajazz, Amigas e Amigos da Banda de Burela, Observatorio da Mariña pola Igualdede... así como distintas persoas que participarán a título individual. 

Enterro da Sardinha 2014

Informámos-vos que um grupo de pessoas está a organizar espontaneamente o Enterro da Sardinha para hoje em Burela. A saída está programada para as 20:00 horas do Mesón do Poeta. Fara-se umha ruada por distintos lugares da vila.

Desde o Buril queremos convidar-vos a participar no Enterro da Sardinha, um dos sinais de identidade do entruido burelao.

Roga-se umha oraçom pola defunta sardinha, filhas parrochas, súas irmás xoubas da ria e amizades peixes do Cantábrico.

D.E.P.

(Agradece-se assistam de luto rigoroso. Também se aceita Santa Companha)

Junta Regedora C.C. Buril