Temos um plano B

O documentário Modelo Burela, realizado por Matías Nicieza, será apresentado esta quinta-feira, 30 de abril, na Gentalha do Pichel de Compostela. Intervirám Bernardo Penabade, guionista do documentário e professor no I.E.S. O Perdouro de Burela e a técnica de normalizaçom da Câmara Municipal de Compostela, Marta Besada Otero.

Desde o Buril animamos a tod@s @s vizinhos de Burela e d'A Marinha que fam vida por Compostela a que assistam à projecçom deste interessante documentário e que acheguem as suas opinions sobre a situaçom linguísta na nossa vila.

A Lei do aborto a debate

A passada sexta-feira, 4 de abril foi debatida a reforma da Lei do aborto. No acto, organizado polo Buril, intervirom a jurista Luísa González, a representante do BNG Tereixa Novo e a representante do PSdG-PSOE Laura Seara. O debate foi moderado pola tradutora, jornalista e investigadora Olga Castro.

Houvo umha importante assistência de público, sem dúvida interessado por um tema de grande actualidade e que afecta directamente aos direitos fundamentais da mulher.

A reforma da Lei do aborto a debate

O próximo sábado terá lugar em Burela um debate entorno à reforma da Lei do aborto. Intervirám a advogada Luísa González, quem comentará os aspectos jurídicos da Lei, e Laura Seara e Tereixa Novo, representates do PSdG-PSOE e do BNG respectivamente, que defenderám as posturas dos seus partidos ante a reforma desta Lei e falarám sobre os direitos da mulher e reproduçom.

Modera o debate Olga Castro, investigadora em traduçom, linguagem e género.

Manuel Rivero apresentou De Roncesvales a Compostela

A passada sexta-feira Manuel Rivero estivo apresentando o seu livro De Roncesvales a Compostela em Burela. O autor estivo acompanhado na mesa pola presidenta do Buril, Rosana Val e polo realizador burelao Matías Nicieza. A seguir à apresentaçom houvo umha ronda de perguntas, estabelecendo-se umha interessante conversa entre o público e o autor.

Entre o público contamos com um assistente especial, o ex-eurodeputado e sócio de honra da AGAL Camilo Nogueira, a quem no fim do acto, Bernardo Penabade (ex-presidente da AGAL e sócio do Buril) e Luzia Bouça (vereadora de Educaçom e também sócia do Buril) lhe fijerom entrega do documentário sobre o Modelo Burela, realizado por Matías Nicieza.

De Roncesvales a Compostela. Manuel Rivero

A próxima sexta-feira, 20 de março, será apresentado o livro De Roncesvales a Compostela, de Manuel Rivero. O acto decorrerá a partir das 20:00 horas no Salom de Conferências de Burela e será apresentado polo realizador burelao Matías Nicieza.

O Buril quer somar-se, desta forma, às apresentaçons que estam a ter lugar por todo o país com mui boa acolhida.

Assembleia Geral

O Buril convoca umha Assembleia Geral aberta para o próximo sábado, 21 de fevereiro, às 19:30 horas, no local do Colectivo (Praça de Abastos, 1º andar), com a seguinte ordem de trabalhos:

• Comissons de trabalho em que se estrutura o colectivo.
• Rascunho do Programa de actividades para o 2009.

Ano nova, hora velha. Feliz ano!

Finalmente, o Buril viu cumprido o seu objectivo: celebrarmos a passagem de ano pola nossa hora. A festa-gala de fim de ano, celebrada em Burela, foi um grande sucesso (ainda que esta palavra nom estaja recolhida no dicionário Xerais da Língua, como tinha a bem informar a nossa apresentadora oficial Yolanda Eucalipto).

Desde o Colectivo Cultural Buril queremos agradecer a colaboraçom de todas as pessoas que participarom na preparaçom da festa pimba-subversiva "As uvas à nossa hora", muito especialmente ao nosso realizador Matias Nicieza. Também à plataforma Seioque, sem a qual a festa pola hora gelaga nom chegaria a outros pontos do País, e à LNB (Liga Nacional de Bilharda) polo seu apoio incondicional e pola sua presença na festa pola nossa hora. Muito obrigado a tod@s @s que assistirom ao Fim de ano galego.

"Adentro vi-de-o":